Fiumaltu

Un bollenu a meza machja
Chjuvellu di la natura
L'inguernu sott' a la neve
L’estate nu a virdura
Bella in tutta staghjone
A l'ombra di San Petrone
Cusi nasce la surgente
Allegramente murmura
Altru nunda nun si sente
Tant'he calma a natura
A capra nantu a la zenna
Ritene la so tintenna.
Inscrociu l'arba barona
E si ne va vagabonda
Cantendu a so canzona
A u pesciu nentr'a l'onda
Si rigueira le funtane
Di l' ombria e le sulane
Falendu sotta stazzone
Si piglia l'acqua accitosa
E lascia a ogni pentone
Una cinta rughjinosa
Cun altri e pullone a fiancu
Traversa u ponte biancu
Traversa l'antica pieve
Chjuvellu di la natura
L’inguernu sott'a la neve
L’estate nu a virdura
Bella in tutta staghjone
a L'ombra di san Petrone
Qualchi volta furiosu
Di truvassi a lu strettu
Si sperghje nant'a u chjosu
E sorte di lu so lettu
Colla nanta u stradone
Cume Golo e Liamone
Da una surgente natta
E so acque cusi chjare
Torbite so dinvintate
I s'ha pigliate u mare
Soga era u so destinu
Di more in san Pelegrinu

(Morachini P - Trad)